بسم الله الرحمن الرحيم
السلام عليكم ورحمة الله وبركاته
هاده حبيبي ولد أبو مكي خدعني
رمى ليي مشمومة من الدريشة و قال يحبني
وأني أحلب البقرة طحت مغمى عليي من خبرٍ وصلني
قالوا جافوه في البحر ويه مكية
في إيدها مشموم ويعطيها وردة محمدية
ويلي على حظي
سألته لاويه تفتق وهبلة تعتبرني
سوى روحه بريء ومظلوم وقلب التهمه عليي
ولأني ظنيت السوء إبه تباعد عني
وراح ما رجع شكله نساني
فجت عليي أيامنا الحليوة المنسية
رحت الدولاب بوقف تحت الشجرة البنية
ويلي من اللي جفته..حسيت روحي غبية
هاده مكي وهاديك مكية
بايقين شجرتنا القبلية
يشربون عصير راني وياكلون طعمية
انهبشت عليهم بدون تفكير وروية
سحبت الجلحة من كشتها الليفية
وهاده الأملح بقت من عنده نص ربية
أخدتها ورميتها وسط نقعة مويه
قام يتعفر جنه جاهل يمبى هدية
كاظم جافني اتشابق ودموعي غيمة مطرية
اندفع بكل قوة يدافع عني و بكل عصبية
تخيلته ثور أحلامي هايج غيران عليه
بعد الانتصار الساحق وداني البيت بسيارة كحلية
وأني بحول طالعته و طالعني بكل حنيه
هربت من الخجل وطاحت من جيسي كلينستي الوردية
كل يوم عند الباب يحط ليي ورده وردية
فالف يوم جه يخطبني ويه أخته كاظمية
وعند الشيخ سألوني:موافقة؟ هزيت راسي جني هندية
وفي الأخير عشنا بهناء و سعادة أبدية [b]
الرئيسية 
أحدث الصور 
الثلاثاء فبراير 09, 2010 8:56 am
